“Kristal Abşeron” şirkətinin yaradılmasının 20 illiyi münasibətilə təşkil edilən yubiley tədbiri may ayının 26-sı “Gülüstan sarayı”nda “Kristal Abşeron”un kollektivi, dövlət qurumları və özəl sektor nümayəndələrinin iştirakı ilə baş tutub.
Tədbir “Kristal Abşeron” şirkətinin Müşahidə Şurasının sədri Mahayət Nəbiyevin çıxışı ilə başlayıb. Mahayət Nəbiyev çıxışında ulu öndər Heydər Əliyevin ölkə iqtisadiyyatına xüsusi ilə tikinti sektorunun inkişafına göstərdiyi diqqət və qayğıdan bəhs edib.
Həmçinin o, şirkətin 20 illik fəaliyyəti dövründə əsaslandığı dəyərlər və gələcək hədəfləri haqqında məlumat verib. Bu dövr ərzində şirkətin tərəfdaşı olan özəl və dövlət qurumlarına öz təşəkkürünü bildirib.
Yubiley tədbirində Milli Məclisin İqtisadi siyasət, sənaye və sahibkarlıq komitəsinin sədri, Deputat Tahir Mirkişili, Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin Təsisatdankənar Dövlət Ekspertiza Baş İdarəsinin rəisi Təyyar Hüseynli və Türkiyənin məhşur Aslı Mimarlık şirkətinin sahibi Hüseyn Tonguç Özcanın çıxış ediblər.
Daha sonra qala gecəsi xüsusi dəvət olunmuş musiqiçilərin ifaları və şou proqramlarla davam edib.
Qeyd edək ki 2003-cü ildən öz uğurlu fəaliyyətinə başlamış “Kristal Abşeron” şirkəti bu günə qədər etibarlılıq, dürüstlük və keyfiyyət kimi dəyərlərə əsaslanaraq bir çox böyük layihələrə imza atıb.
