Sükan dəyişikliyə doğru: WEY avtomobil brendi Azərbaycanda debüt etdi

Ötən gün "Marriott Absheron" hotelində Çin avtomobil nəhəngi "Great Wall Motor" (GWM) tərəfindən istehsal olunan premium avtomobil brendi WEY-in təqdimatı keçirilib.

Tədbirə media nümayəndələri, avtomobil ekspertləri, influenserlər və texnologiya həvəskarları da daxil olmaqla 200-dən çox qonaq qatılıb.

Təqdimat zamanı WEY brendinin üç əsas modeli nümayiş etdirilib:

Flaqman, iriölçülü krossover - WEY 07 PHEV 4WD;

Texnoloji miniven - WEY 80 PHEV 4WD;

Ortaölçülü premium krossover - WEY 03 PHEV AWD;

Bu modellər ağıllı idarəetmə, təhlükəsizlik və gələcəyin dizaynına yeni baxışı təmsil edir.

GWM-in regional direktoru Kerol Tian çıxışında bildirib:

"Bugünkü tədbir sadəcə yeni avtomobillərin təqdimatı deyil. Bu, ağıllı və dəbdəbəli sürücülüyün yeni mərhələsinin başlanğıcıdır. WEY - yüksək performans, təhlükəsizlik və texnoloji irəliləyiş fəlsəfəsini özündə birləşdirir. Biz premium brendimizi dinamik şəkildə inkişaf edən və innovasiyaları dəyərləndirən Azərbaycan bazarına təqdim etməkdən məmnunuq".

"Azerbaijan Automobiles" QSC-nin baş direktoru Camal Quliyev vurğulayıb:

"WEY brendinin ölkəmizdə satışa çıxması Azərbaycan avtomobil sektorunda əlamətdar hadisədir. Biz fəxrlə təqdim edirik ki, bu avtomobillər həm dizayn, həm də texnologiya baxımından ən yüksək standartlara cavab verir. Müştərilərimiz premium Avropa sinfinə uyğun komfort və təhlükəsizlik səviyyəsini artıq burada əldə edə biləcəklər".

WEY haqqında:

WEY brendi 2016-cı ildə GWM-in qurucusu Cek Veyin şərəfinə yaradılıb.

Bu, adını yaradıcısından alan ilk Çin premium avtomobil brendidir. WEY - ağıllı hibrid texnologiyalar, zərif dizayn və innovativ təhlükəsizlik platforması ilə seçilir.

Rəqibsiz üstünlüklər:

WEY modelləri GWM-in inqilabi HI-4 texnologiyası əsasında yığılır.

H - Hybrid (hibrid), I - Intelligent (ağıllı), 4 - 4WD (dörd təkəri də ötürücü) anlayışlarını birləşdirir.

Bu sistem yüksək mühərrik performansı, az enerji sərfiyyatı, maksimum təhlükəsizlik və ağıllı idarəetmə ilə seçilir.

WEY modellərinin texniki göstəriciləri:

Parametr	WEY 03	WEY 07	WEY 80
Tip	Orta ölçülü SUV	Böyük ölçülü SUV	Miniven (MPV)
Ötürücü	AWD (avtomatik tam ötürücü)	4WD (tam ötürücü)	4WD (tam ötürücü)
Mühərrik	1.5L turbo + 2 elektrik mühərriki	1.5L turbo + 2 elektrik mühərriki	1.5L turbo + 2 elektrik mühərriki
Hibrid sistemi	PHEV (Plug-in Hybrid)	PHEV	PHEV
Ölçülər (mm)	4685 × 1890 × 1730	5156 × 1980 × 1805	5405 × 1960 × 1890
Oturacaq sayı	5 sərnişin (2 sıra)	6 sərnişin (3 sıra)	6 sərnişin (3 sıra)
Batareya / Güc	27.54 kWh / 383 a.g.	42.50 kWh / 517 a.g.	44.28 kWh / 487 a.g.
Elektrogediş / Ümumi gediş	130 km / 1050 km	201 km / 1140 km	183 km / 935 km
Yanacaq sərfiyyatı (NEDC)	1L / 100 km	0.2L / 100 km	0.2L / 100 km
0-100 km/s sürətlənmə	6 saniyə	4.9 saniyə	5.9 saniyə
Qiymət	54.900 manat	81.900 manat	102.000 manat