Azərbaycanda “Yanqo” tətbiqində xidmət sifarişləri zamanı avtonəqliyyat vasitələrinin sürətinin avtomatik monitorinqi texnologiyası istifadəyə verilib. Bu, şirkətin özü tərəfindən hazırlanıb. Monitorinq xidmətin göstərildiyi bütün şəhərlərdə, o cümlədən Bakı, Gəncə, Sumqayıt və Mingəçevirdə fəaliyyət göstərəcək.
Sürücü sifarişi yerinə yetirdikdə, texnologiya GPS vasitəsilə onun getdiyi marşrutu izləyir və hərəkət sürətini müəyyən edir. Bu sürət marşrutların qurulması üçün istifadə olunan naviqatordan əldə edilən məlumatlar əsasında bu hissədə icazə verilən maksimum sürətlə müqayisə edilir.
Sürücü sürət həddini keçərsə, sistem sürücünün tətbiqi vasitəsilə bu barədə ona xəbərdarlıq edir. Texnologiya siqnalda yarana bilən mümkün nasazlıqları, o cümlədən koordinatlarda gözlənilməz dəyişiklikləri nəzərə almaqla, bu cür kənarlaşmaları aradan qaldırmağa qadirdir. Bir neçə xəbərdarlıqdan sonra alqoritm sürücünün xidmət sifarişlərinə çıxışını müvəqqəti məhdudlaşdırır.
“Yango” beynəlxalq onlayn xidməti Bakıda 2022-ci ilin iyulunda istifadəyə verilib. Xidmətin əsas üstünlüyü istifadəçilərə rahat və eyni zamanda sərfəli səfərlər təqdim edən, sürücülərə isə dayanma vaxtlarını azaltmağa, sifarişlərin və qazancların sayını artırmağa kömək edən marşrutlaşdırma, naviqasiya və alqoritmlər texnologiyalarıdır.
Pulsuz “Yango” proqramı iOS və “Android” üçün əlçatandır. “Yango” Azərbaycan, ingilis və digər dilləri dəstəkləyir.
