Ermənistanda Gümri-İrəvan yolunda sərnişin mikroavtobusu yanıb.
Oxu.Az ANS PRESS-ə istinadən xəbər verir ki, Xorom kəndində baş verən qəza nəticəsində 7 nəfər sərnişin yanaraq ölüb.
Daha beş nəfər ağır yaralarla xəstəxanaya yerləşdirilib. Hazırda hadisə yerində xilasedicilər və polis işləyir.
Avtobusun yanmasının səbəbi hələ ki, məlum deyil.
Ehtimal edilir ki, yanğın mikroavtobusun salonunda quraşdırılmış qaz balonunun partlayışı səbəbindən baş verib.
