ABŞ Federal Ticarət Komissiyası (FTC) dünyanın ən böyük reklam holdinqlərinə qarşı genişmiqyaslı antiinhisar araşdırmasına başlayıb.
Oxu.Az xəbər verir ki, bu barədə "The Wall Street Journal" məlumat verib.
Məlum olub ki, tənzimləyici sənayenin yeddi aparıcı şirkətinə rəsmi sorğu göndərilib: "Omnicom", WPP, "Dentsu", "Havas", "Interpublic", "Publicis" və "Horizon Media".
FTC-nin diqqəti müxtəlif platformaların, ilk növbədə milyarder İlon Maska məxsus "X" sosial şəbəkəsinin reklam boykotunun təşkili üzrə hərəkətlərin mümkün koordinasiyasına yönəlib.
İstintaq 2023-cü ildə baş verən hadisələrə yönəlib, o zaman onlarla böyük brend eyni vaxtda "X" platformasında reklamı dayandırıb. Reklamçıların kütləvi şəkildə getməsinin rəsmi səbəbi uyğun olmayan materialların yanında brend məzmunun yerləşdirilməsi ilə bağlı narahatlıq olub.
