ABŞ-dən sülh siqnalı: İranla mübahisələr həll oluna bilər

ABŞ tərəfi İran rəsmiləri ilə aparılan danışıqlarda kompromis variantlarına getməyə hazır olduğunu bildirib.

Oxu.Az xəbər verir ki, bu barədə ABŞ prezidentinin xüsusi elçisi Stiven Uitkoff "The Wall Street Journal" qəzetinə verdiyi müsahibədə danışıb.

"Bizim başlanğıc mövqeyimiz İranın nüvə proqramının ləğv edilməsidir. Bu gün üçün mövqeyimiz belədir. Lakin bu, iki ölkə arasında kompromis üçün digər yolların tapıla bilməyəcəyi anlamına gəlmir", - deyə Uitkoff bildirib.