ABŞ sanksiya tətbiq ediləcək İran şirkətlərinin siyahısını genişləndirib.
Oxu.Az RİA Novosti-yə istinadən xəbər verir ki, bu barədə ötən gün ABŞ-ın Maliyyə Nazirliyinin yaydığı məlumatda bildirilir.
Qurumun məlumatına görə, sanksiya siyahısına 9 fiziki və hüquqi şəxs əlavə edilib. ABŞ onları İran hakimiyyətinin sanksiyalardan boyun qaçırmaq, insan haqlarını pozmaq istiqamətində həyata keçirdiyi addımlarını dəstəkləməkdə günahlandırır. Siyahıya həmçinin İrandakı senzura ilə əlaqəsi olan şəxslər də daxil edilib.
