ABŞ-li generallar birgə təlimlərlə bağlı Ermənistana səfər ediblər

İki amerikalı general “Eagle Partner 2023” birgə təlimləri üçün Ermənistana gedib.

Bu barədə ABŞ-nin İrəvandakı səfirliyi məlumat yayıb.

Qeyd olunur ki, onlar 10-cu dağ diviziyasının komandiri, general-mayor Qreqori Anderson və ordunun Avropa və Afrikadakı qərargah rəisinin müavini, briqada generalı Patrik Elisdir.

Məlumat üçün əlavə edək ki, Ermənistanda keçiriləcək “Eagle Partner 2023” hərbi təlimləri sentyabrın 20-dək davam edəcək.

Mənbə: Sputnik Ermənistan