Sabiq MHP-çi, keçmiş vitse-spiker və daxili işlər naziri Meral Akşənər eks lideri - MHP başqanı Dövlət Baxçalıya qarşı sərt ifadələr səsləndirib.
Oxu.Az xəbər verir ki, buna səbəb MHP liderinin “İYİ Parti”nin CXP və terrorçu PPK yönümlü HDP ilə yan-yana gəlməsi, bu səbəbdən də onların “seçim ittifaqı”na getməsi yönündə iddiaları olub.
Buna cavabında isə xanım Akşənər “İYİ Parti”ni CXP və HDP ilə yan-yana gətirmə cəhdini çirkin, sayğısız və çox ayıb hesab edirəm. Bu günə qədər “İYİ Parti” lideri olaraq, mənim ağzımdan hər hansı bir siyasi partiyanın aldığı qərara yönələn ağıl- fikir verəcək bir cümlə çıxmadı. Odur ki, hörmətli Baxçalı da bizə ağılöyrətmə mərtəbəsində deyil. Dolayısı ilə, o, bir qərar verib, ona sayğı duyuruq, xeyirli olsun”, - deyib.
Akşənər Demokrat və Səadət partiyaları ilə ittifaq qura biləcəklərini də dilə gətirib:
“Bizim nə edəcəyimizə başqası qarışa bilməz. Biz prezident seçkilərində partiyamız adına namizəd göstərəcəyik. Dostlarımız məni istəyirlər, mən də buna “HƏ” deyirəm. Lakin ittifaq yaradaraq, seçimə getməyəcəyik. İttifaq ilə bağlı düşünsək-düşünsək, yalnız Demokrat və Səadət partiyaları ilə yan-yana gəlməyi düşünürük. Ancaq bu mənada görüşümüz olmayıb. Dolayısı ilə, nə CXP, nə də digər partiya ilə birlikdə seçimə getmək kimi bir birlikdəliyimiz ola bilməz”.
Kamil HƏMZƏOĞLU
www.oxu.az
