Neapolun II Federiko Universitetinin alimləri müəyyən ediblər ki, ev itləri insan qorxusunu qoxu vasitəsilə aşkar etməyə və ona davranış dəyişikliyi ilə reaksiya verməyə qadirdirlər.
Oxu.Az xəbər verir ki, alimlərin apardıqları eksperimentin nəticələri "Popular Science" jurnalında dərc olunub.
Alimlər izah edirlər ki, qorxu stres hormonları olan adrenalin və kortizolun ifraz olunması ilə müşayiət olunur, bu da nəfəsin və tərin kimyəvi tərkibini dəyişir.
İtlər bu dəyişiklikləri inkişaf etmiş iybilmə qabiliyyəti sayəsində aşkar edə bilirlər. Onların təxminən 220 milyon iybilmə reseptoru var, insanda isə bu rəqəm təxminən beş milyondur.
Bundan əlavə, heyvanlara feromonları və digər kimyəvi siqnalları qəbul edən vomeronazal orqan kömək edir.
