Almaniya ordunun zəifliyi və sayına görə həyəcan təbili çalır

Fridrix Mertsin mühafizəkar Xristian Demokratlar və mərkəz sol Sosial Demokratlar tərəfindən qurulan Almaniyanın yeni hökuməti Bundesverin azalan sıralarını artırmaq üçün yeni könüllü hərbi xidmətin yaradılması planlarını əks etdirən koalisiya sazişini təqdim edib.

Oxu.Az xəbər verir ki, bu barədə "Politico" məlumat verib.

Almaniyanın Müdafiə və Strateji Araşdırmalar İnstitutunun təqaüddə olan polkovnik-leytenantı və hüquqi məsələlər üzrə eksperti Kristian Rixter bildirib ki, hazırda Almaniyada aktiv hərbi kadrların çatışmazlığı ölkənin müdafiə qabiliyyətini həm milli müdafiə, həm də NATO çərçivəsində kollektiv müdafiə baxımından təhlükə altına atacaq.

Qeyd olunur ki, Bundesverin qüvvələri artıq tükənmək üzrədir, qoşunların sayı 182 min nəfər həddini keçmir. 2024-cü ildə xidmətə daxil olanlardan daha çox əsgər tərxis edilib və yeni çağırışçıların demək olar ki, üçdə biri təlim zamanı xidməti tərk edib.

"Bizə dərhal və mümkün qədər tez bu 100 minlik əlavə qoşun lazımdır... Almaniya üçün bu rəqəm 460 min olmalıdır", - deyə ölkənin Ali Baş Komandanı, general Karsten Breyer bildirib.