Almaniyanın Frankfurt şəhərində fentanilin geniş yayılması səbəbindən narkotik böhranı qeydə alınıb.
Oxu.Az-ın xəbərinə görə, bu barədə Almaniyanın "Bild" nəşri yazır.
Nəşrin məlumatına görə, qeyri-qanuni maddələrə qarşı istiqamətlənmiş yerli siyasət nəzarətdən çıxıb. Hakimiyyət orqanlarının fikrincə, şəhərdə əsl epidemiya yaşanır.
Yazıda bildirilir ki, heroindən istifadə edən şəhər sakinlərinin yarıdan çoxu fentanilə keçib. Maddənin yayılması ilə mübarizə aparmaq üçün konfransın keçirilməsi və xarici mütəxəssislərdən kömək istənilməsi planlaşdırılır.
Qeyd edək ki, fentanil sintetik opioiddir. Mütəxəssislərin sözlərinə görə, bu maddə heroindən 50 dəfə güclüdür və eyni şəkildə güclü asılılığa səbəb olur.
"Frankfurt opioid böhranının Almaniyada da başlanğıc nöqtəsi olacaqmı? Şəhərin narkotik siyasəti, görünür, tamamilə idarəetmədən çıxıb.
Bu preparatın nə dərəcədə sürətli şəkildə dövriyyəyə daxil olduğunu və fəlakətli təsir göstərdiyini ABŞ nümunəsində görmək olar. Təkcə 2024-cü ildə ABŞ-də 75 000 insan fentanil istifadəsinə görə həyatını itirib", - deyə yazıda bildirilib.
