Atambayev zaldan çıxarılmasını istədi: “Mənə ömürlük cəza verin, ancaq özbaşınalığa son qoyun”

Qırğızıstanın keçmiş prezidenti Almazbek Atambayev bu gün emosional şəkildə məhkəmə iclasından çıxarılmasını tələb edib.

O qeyd edib ki, sağlamlıq durumuna görə prosesdə iştirak etmək onun üçün çətindir.

“Ümid edirəm, hakim məni məhkəmə zalından çıxaracaq, onun buna hüququ var”, - deyə o bildirib.

Həkimlərin səhlənkarlığından bəhs edən keçmiş prezident məhkəmədən özbaşınalığa son qoyulmasını tələb edib.

“Mənə ömürlük həbs cəzası verin, ancaq özbaşınalığa son qoyun. Məni ələ salmağınız, işgəncə verməyiniz yetər!” - deyə A.Atambayev bildirib.

Mənbə: Sputnik Qırğızıstan