Brüsseldə Yeni il gecəsi onlarla avtomobil yandırıldı: Yüzdən çox saxlanılan var

Yeni il gecəsi Belçikanın paytaxtı Brüsseldə baş verən iğtişaşların iştirakçıları onlarla avtomobili yandırıb.

Oxu.Az xəbər verir ki, bu barədə "Politico" məlumat yayıb.

Polis dekabrın 31-i axşam saat 6-dan yanvarın 1-i səhər 7-yə qədər 159 nəfəri həbs edib və şəhər boyu 1 700-dən çox insidentə müdaxilə edib.

Brüssel yanğınsöndürmə xidmətinin məlumatına görə, ən azı 60 avtomobil yanıb, alovu söndürməyə çalışan yanğınsöndürənlərə daşlar və "Molotov kokteyli" atılıb.

İnsidentlər nəticəsində xəsarət alanların olmadığı deyilir.