"Çelsi" klubunun rəhbərliyi yeni stadionun tikintisi və ya hazırkı stadionun genişləndirilməsi perspektivi ilə bağlı London meriyasıyla danışıqlar aparıb.
Oxu.Az bu barədə "The Telegraph" nəşrinə istinadən xəbər verib.
Qeyd olunur ki, klubun hazırkı stadionu olan "Stamford Bridge"in tutumu 41 728 nəfərdir. Bu, 2025/2026 mövsümü üçün Premyer Liqada 11-ci göstəricidir.
Daha əvvəl bildirilirdi ki, yeni stadion Londonun Erlz-Kort rayonunda inşa edilə bilər, lakin torpağın sahibləri orada mənzillər tikmək niyyətindədirlər. Evlərin tikintisinə 2026-cı ildə başlanması planlaşdırılır.
