İranın Qərbi Azərbaycan əyalətinin Səlmas bölgəsində baş verən daşqınlar nəticəsində üç nəfər ölüb, altı nəfər xəsarət alıb.
"Azad İran" "Telegram" kanalının informasiyasına görə, bu barədə Qərbi Azərbaycan Qızıl Aypara Cəmiyyətinin rəhbəri Həmid Məhbubi məlumat verib.
Qeyd olunur ki, təbii fəlakət zamanı daha iki nəfər itkin düşüb.
Hər üç şəxsin meyiti tapılaraq aidiyyəti qurumlara təhvil verilib.
Daşqınlardan ən çox zərər Kaniyan kəndi görüb. Burada 11 nəqliyyat vasitəsi sel sularının əhatəsində qalıb.
Qaynar xətt:
(055) 224 12 12
