Çin Xalq Respublikasının "CAS Space" aerokosmik şirkəti mayın 15-də kosmosa beş yeni peyk göndərib.
Oxu.Az xəbər verir ki, bu barədə informasiyanı Çin Mərkəzi Televiziyası yayımlayıb.
Kosmik aparatların buraxılışı Pekin vaxtı ilə saat 12:33-də (Bakı vaxtı ilə saat 08:33) Tszyutsyuan Peyk Uçuş Mərkəzinə daxil olan "Dongfeng" kommersiya meydançasından reallaşdırılıb. Proses zamanı "Kinetica-1" (yerli adı "Lijiang-1" olan) daşıyıcı raketindən istifadə olunub.
Orbitə çatdırılan kosmik vasitələrin sırasında "Taijing-3", "Tianyi-50", "Tianyan-27" və "Jilin-1" kimi peyklər yer alır.
Çin hökuməti özünün milli kosmik strategiyasını sürətlə genişləndirir, o cümlədən Ayın mənimsənilməsi, meteorologiya, rabitə və naviqasiya məqsədli texnologiyalar ərsəyə gətirir. Dövlətin yardımı sayəsində çinli tədqiqatçılar Mars və asteroidlərin araşdırılması yollarını öyrənirlər. Hazırda Yer ətrafında beynəlxalq partnyorluğa açıq olan Çin kosmik stansiyası fəaliyyət göstərir. Xatırladaq ki, 2025-ci il ərzində Çin 92 kosmik uçuş reallaşdıraraq öz şəxsi rekordunu yeniləyib.
