Türkiyənin Bartın vilayətinin Amasra rayonunda yaşayış evində yanğın baş verib.
“Demirören Haber Ajansı”nın (DHA) yaydığı məlumata görə, bu zaman evdə nənə və iki azyaşlı nəvəsi olub.
Yanğını görən qonşular yanğınsöndürən çağırıblar. Lakin nənə və nəvələrinin həyatını xilas etmək mümkün olmayıb.
Onların meyitləri hamamda bir-birini qucaqlamış vəziyyətdə tapılıb. Nənənin, bir və üç yaşları olan körpələrin tüstüdən boğularaq öldükləri güman edilir.
Hadisə baş verən zaman azyaşlıların valideynləri işdə olublar. Onlar uşaqlarını baxması üçün nənələrinin yanında qoyublar.
Faktla bağlı araşdırma başlanıb.
