ABŞ-nin birinci xanımı Melaniya Tramp BMT Təhlükəsizlik Şurasının iclasına sədrlik edib.
Oxu.Az-ın "RİA Novosti" agentliyinə istinadən verdiyi məlumata görə, iclas Yaxın Şərqdə münaqişə şəraitində uşaqların vəziyyəti, texnologiyaların rolu və təhsil məsələlərinə həsr olunub.
Bu, tarixdə ABŞ prezidentinin və ya hər hansı digər dünya liderinin həyat yoldaşının Təhlükəsizlik Şurasının iclasına sədrlik etməsi ilə bağlı ilk hadisə kimi qeydə alınıb.
Məlumata əsasən, iclas zalında tamaşaçılar üçün boş yer qalmayıb, diplomatik korpus tam heyətlə tədbirdə iştirak edib. Qeyd olunur ki, hətta həftəsonu İranla bağlı keçirilən fövqəladə iclas belə bu qədər diqqət çəkməyib.
