Ser Elton Con Rusiyaya gəlməyi və geylərin hüquqlarını müzakirə etmək üçün prezident Vladimir Putinlə görüşməyi planlayır.
Oxu.Az NewsRu-ya istinadən xəbər verir ki, bəstəkar və müğənni Elton Con Sky News-a verdiyi müsahibəsində son 18 ayda LGBT-də hüquq məsələləri üzrə vəziyyətin ümumilikdə pisləşdiyini bəyan edib.
2013-cü ilin əvvəlində Rusiyada homoseksuallığın uşaqlar və yeniyetmələr arasında təbliğatının qadağan edilməsi barədə qanun layihəsi qəbul edilib, bu addımı müşahidəçilər anti-gey addım hesab edib.
Öz oriyentasiyasını gizlətməyən Elton Con bəyan edib:
“Mən Putinlə görüşəcəm və onunla danışacam, amma nəticənin necə olacağını bilmirəm”.
O, Rusiyaya noyabrda səfər etməyi planlayır.
Geylərin hüquqları haqqında danışdıqda o, həmçinin Anlikan kilsəsinin Vatikandan nümunə götürməyinin lazım olduğunu bəyan edib.
“Yeni Papa (Fransisk) çox yaxşı adamdır. O məndə həvəs yaratdı”, - müğənni bildirib.
Elton Con deyib ki, onun fikrincə katolik kahinləri üçün nikahdan imtinanı ləğv etmək, gey-kahinlərin isə nikaha daxilolma imkanları olmalıdır.
“Bu köhnəlmiş və ağılsız işlərdir. İsa Məsih dövrümüzdə yaşasaydı təsəvvür edə bilmirəm ki, o xristian və böyük insan bunu yolverilməz hesab etməzdi”.
Elton Con partnyoru Devid Ferniş ilə şəxsi toyunu gələn ilə planlayıb. O, vurğulayıb ki, bu, çox “səssiz mərasim” olacaq.
Rusiyada homoseksuallığın təbliğatına görə qanun layihəsində vətəndaşlar üçün 4 mindən 5 min rubla qədər, vəzifəli şəxslər üçün 40 mindən 50 min rubla qədər, hüquqi şəxslər üçün 400 mindən 500 min rubla qədər cərimənin ödnilməsi nəzərdə tutulub. Qanunda, uşaqlar arasında qeyri-ənənəvi seksual oriyentasiyanın formalaşmasına istiqamətlənən informasiyanın yayılması, eləcə də belə münasibətlərin cazibədar görünməsini təmin edən və “ənənəvi və qeyri-ənənəvi münasibətlərin sosial bərabərliyi barədə təhrif edilmiş təsəvvür yaradan” informasiyanın yayılmasına görə cəza nəzərdə tutulub.
