Estoniyalı polis Rusiya sərhədində oğurlandı

Estoniyanın Xarici İşlər Nazirliyi Pskov ərazisində sərhəddə Estoniyanın təhlükəsizlik polisi əməkdaşının oğurluğu ilə əlaqədar Rusiyanın Estoniyadakı səfiri Yuri Merzlyakovu söhbətə çağırıb.

Oxu.Az ANS PRESS-ə istinadən xəbər verir ki, Estoniya xarici siyasət idarəsi bildirib ki, hadisə ölkənin cənub-şərqində Luxamaa sərhəd məntəqəsinin yaxınlığında olub.

Rusiya ərazisindən gələn naməlumlar xidməti vəzifəsini yerinə yetirən təhlükəsizlik polisinin əməkdaşını oğurlayıblar.

“Rusiyadan Estoniya vətəndaşının azad edilməsi üçün hərtərəfli kömək və əməkdaşlıq gözləyirik”, - deyə xarici işlər naziri Urmas Paet deyib.

Rusiya tərəfi hələ bu hadisə haqqında fikir bildirməyib.

www.oxu.az