Fransa ilk hipersəs silahını sınaqdan keçirib

Fransa ilk hipersəs sürətli idarə olunan döyüş başlığı V-MAX-ı sınaqdan keçirib. Hipersəs döyüş başlığının prototipi Silahlanmalar üzrə Baş İdarə tərəfindən test edilib.

İdarənin bəyanatına görə, bu silah müasir hava hücumundan müdafiə sistemini “aldatmağa” qadirdir.

Məlumata görə, V-MAX-ın uçuşundan sonra səmada yaranan ağ iz Tuluza, Monpelye, Akvitaniya səmasında, eləcə də İspaniyanın şimalında görünub.

Qeyd edək ki, bir müddət əvvəl beynəlxalq raket sistemləri istehsalçısı MBDA Almaniya, Fransa, İtaliya və Niderland hakimiyyətləri ilə hipersəs müdafiəsinin prototipinin yaradılması ilə bağlı ilkin razılığa gəlib. Sistemin növbəti üç il ərzində hazırlanması gözlənilir.

Mənbə: gazeta.ru