Solçu "İtaətsiz Fransa" partiyası hökumətə etimad səsverməsindən bir gün sonra Prezident Emmanuel Makronun vəzifəsindən uzaqlaşdırılması ilə bağlı parlamentə təklif təqdim etməyi planlaşdırır.
Oxu.Az xəbər verir ki, bu barədə partiyanın parlament fraksiyasının rəhbəri Matilda Pano "X" sosial şəbəkəsində paylaşım edib.
"Sentyabrın 8-də Baş nazir Bayrunu istefa verməyə məcbur edəcəyik. Sentyabrın 9-da isə respublika prezidentinin hakimiyyətdən kənarlaşdırılması üçün təklif irəli sürəcəyik", - deyə o bildirib.
Siyasətçi xatırladıb ki, Makron 2024-cü il parlament seçkisində qalib gəlməsinə baxmayaraq, solçu namizədi baş nazir təyin etməkdən imtina edib. Onun sözlərinə görə, bu, Beşinci Respublikanın tarixində ilk dəfədir baş verir.
