Gürcüstan İran vətəndaşları üçün viza rejimini ləğv edib.
Oxu.Az-ın xəbərinə görə, bu barədə İranın Gürcüstandakı səfiri Abbas Tələbi bəyan edib.
Fevralın 15-dən etibarən, İran vətəndaşları Gürcüstan ərazisində 45 gün ərzində vizasız qala biləcəklər.
“Viza rejiminin ləğv olunması iki ölkə arasında ticari əlaqələrin genişlənməsinə töhfə verəcək”, - səfir deyib.
Xatırladaq ki, Gürcüstan İran vətəndaşları üçün birtərəfli viza rejimini 2013-cü ildə tətbiq etmişdir.
