Gürcüstanda minlərlə vətəndaşın dövlətə olan milyonlarla borcu silinəcək

Gürcüstanda 145 min vətəndaşın ümumi məbləği 590 milyon lari (220 milyon dollar) məbləğində vergi borcu silinəcək.

Bu barədə Gürcüstanın Baş naziri İrakli Kobaxidze məlumat verib.

“Gürcüstanda çoxlu sayda fiziki şəxsin vergi borcu var və bu səbəbdən onlar iqtisadi fəaliyyət göstərmək imkanından məhrumdurlar. Bütün fiziki şəxslərin, o cümlədən fərdi sahibkarların 2021-ci il yanvarın 1-dək yaranmış ödənilməmiş vergi borcları, o cümlədən borcun üzərinə hesablanmış cərimələr tamamilə silinəcək”, - deyə İrakli Kobaxidze bildirib.

Mənbə: “Sputnik” Gürcüstan