Gürcüstanda son iki həftədə "Donuz qripi"ndən bir neçə nəfər ölüb.
Oxu.Az xəbər verir ki, bu barədə "Rustavi 2" telekanalı məlumat yayıb.
Məlumatda qeyd olunur ki, xəstələrin ölüm səbəbi H1N1 virusunun meydana gətirdiyi fəsadlar olub.
Bildirilir ki, ölən xəstələrin heç biri mövsümi viruslara qarşı peyvənd olunmayıblar.
Məlumat üçün əlavə edək ki, "Donuz qripi" tənəffüs yollarının xəstəliyidir. Ümumdünya Səhiyyə Təşkilatının (ÜST) məlumatına görə, virus "Donuz qripi" adlansa da, əslində müxtəlif H1N1 viruslarının qarışığından yaranıb. "Donuz qripi" virusuna adətən fermer təsərrüfatı ilə məşğul olan insanlar yoluxur. Virusun donuzdan-donuza və donuzdan-insana yoluxmasına daha çox rast gəlinir. Yoluxmuş insanın nəfəs alması, asqırması zamanı virus hava ilə sağlam insanın burun boşluğuna və ya gözlərinə düşə bilər ki, bu da yoluxmaya səbəb olur.
