Hindistanın Tamilnad ştatının Hosur şəhərində yerləşən və "iPhone" smartfonları üçün detallar istehsal edilən "Tata Electronics" müəssisəsində bədbəxt hadisə baş verib, nəticədə üç işçi həyatını itirib.
Bu barədə Oxu.Az "The New Indian Express" nəşrinə istinadən xəbər verir
Məlumata görə, fəhlələr, ehtimal ki, filtrasiya sisteminin çənini təmizləyərkən və texniki qulluq göstərərkən boğularaq ölüblər.
Güman edilir ki, baxış zamanı əməkdaşlar zəhərli qazın təsirinə məruz qalıblar.
Ştat hökumətinin rəsmisi Virudhay Maqal Kirtxana özünün "X" sosial şəbəkə hesabında baş vermiş faciə ilə əlaqədar genişmiqyaslı təhqiqat aparılacağı və gələcəkdə belə halların yenidən yaşanmaması üçün bütün zəruri tədbirlərin görüləcəyini bildirib.
Qaynar xətt:
(055) 224 12 12
