Dünyanın ilk hidrogen bombasını hazırlayanlardan biri, amerikalı fizik Riçard Lourens Qarvin 96 yaşında vəfat edib.
Oxu.Az "The New York Times" nəşrinə istinadla xəbər verir ki, onun ölümünü alimin oğlu təsdiqləyib.
Qarvin 1928-ci il aprelin 19-da ABŞ-nin Ohayo ştatının Klivlend şəhərində anadan olub.
Nüvə silahlarının yaradılmasında iştirak etməsinə baxmayaraq, Qarvin sonradan silahlara nəzarət və nüvə tərksilahının sadiq müdafiəçisi olub.
O, yeni silah növlərinin hazırlanmasına açıq şəkildə qarşı çıxıb və müdafiə siyasətində şəffaflıq ideyalarını fəal şəkildə təbliğ edib.
