İstanbul Böyükşəhər Bələdiyyəsindəki korrupsiya istintaqı üzrə ittihamlar dərinləşir.
Bu barədə Oxu.Az "TRT Haber"ə istinadən xəbər verir.
Məlumata görə, İstanbul Baş Prokurorluğunun Mütəşəkkil Cinayətkarlığa Qarşı İstintaq Bürosu tərəfindən aparılan "Ekrem İmamoğlu - mənfəət məqsədli cinayətkar təşkilat" istintaqında yeni detallar üzə çıxıb.
Araşdırma nəticəsində 4.7 milyon istifadəçinin şəxsi və məkan məlumatlarının "İstanbul senin" tətbiqi vasitəsilə iki fərqli xarici ölkəyə sızdırıldığı aşkar edilib. Bundan əlavə, 3.7 milyon istifadəçiyə məxsus həssas məlumatların "darkweb"də (qaranlıq şəbəkə) satıldığı məlum olub. Qalmaqallı nisbətlərə çatan pozuntulara biri də əlavə olunub: eyni tətbiq daxilindəki "İbb Hanem" adlı alt tətbiqdə 11 milyon vətəndaşın seçki qutusu məlumatlarının işlənərək proqramdan kənara köçürüldüyü müəyyən edilib.
Sözügedən proqramlarda rəhbər vəzifələrdə çalışan və eyni zamanda İstanbul Böyükşəhər Bələdiyyəsinə (İBB) bağlı şirkətlər də daxil olmaqla, 6 ayrı şirkətdə menecer və digər vəzifələrdə çalışan, yuxarıda adı çəkilən "təşkilat menecerləri" ilə əlaqəsi aşkar edilmiş 13 şübhəli haqqında proseduralar başlanıb. Bundan əlavə, qaçaq olan təşkilat meneceri Murat Gülibrahimoğlunun şirkətlərinə saxta fakturaların verilməsində iştirak etdiyi müəyyən edilmiş iki şübhəli də daxil olmaqla, ümumilikdə 15 nəfərə qarşı əməliyyat keçirilib.
İstintaq çərçivəsində şübhəlilərə qarşı "Şəxsi məlumatların qanunsuz olaraq əldə edilməsi", Vergi qanununu pozmaq və "Ekrem İmamoğlu - mənfəət məqsədli cinayətkar təşkilat"na üzv olmaq" ittihamları üzrə koordinasiyalı əməliyyat keçirilib. Səhər saatlarında keçirilən reydlərdən sonra 15 şübhəlinin hamısı nəzarətə alınıb.
