İslamabad Ali Məhkəməsi Pakistanın keçmiş baş naziri və müxalifətdəki Ədalət Naminə Hərəkat partiyasının sədri İmran Xanın Böyükşəhər Dairə Məhkəməsi tərəfindən verilən həbs qərarını ləğv edib.
Məlumata görə, Ali Məhkəmənin hökmünə əsasən, Xan 2023-cü il martın 13-də rayon məhkəməsinə gəlməlidir.
Bundan öncə eks-baş nazir İslamabad rayon məhkəməsinin xarici hədiyyələrin satılması ilə bağlı keçirilən iclasda növbəti dəfə iştirak etməyib. Onun vəkilləri Xanın səhhətinin pis olması və 2022-ci ilin noyabrında ona qarşı sui-qəsd nəticəsində aldığı zədələr səbəbindən məhkəməyə gəlməkdən çəkindiyini bildiriblər.
Xatırladaq ki, İmran Xan 2022-ci il aprelin 10-da etimadsızlıq səsverməsi nəticəsində vəzifəsindən uzaqlaşdırılıb.
Mənbə: TASS
Rəylər