İranda ötən əsrdən qalan bomba tapıldı

İranda Pəhləvi sülaləsi dövründən qalan bomba tapılıb.

Bu barədə Oxu.Az "Azad İran" "Telegram" kanalına istinadən xəbər verir.

Məlumata görə, səhər saatlarında Fars əyalətinin Əmir Teyyub Rüstəm kəndində qaz kəmərinin çəkilişi zamanı 1 metr dərinlikdə bomba aşkarlanıb.

Bomba 1963-cü ildə Pəhləvi sülaləsinin dövründə torpaq islahatının həyata keçirilməsi və tayfaların tərk-silah edilməsi zamanı xanlar və Pəhləvi hakimiyyəti arasında baş verən müharibə dövrünə aid edilir.

Qeyd edək ki, Pəhləvi sülaləsi İranda 1925-ci ildən 1979-cu ilə qədər hakimiyyətdə olub.