İranın Azərbaycandakı yeni səfiri təyin edilməyə iddialı namizədin adı açıqlanıb

İran və Azərbaycan arasında aylarla davam edən danışıqlara baxmayaraq, bu ölkənin Bakıdakı səfirliyinə hələ də səfir təyin edilməyib.

"Azad İran"ın xəbərinə görə, İranın "ISCA News" agentliyi iddia edir ki, yeni səfirin göndərilməməsi ətrafında problem Azərbaycan hökumətinin İranın təklif etdiyi variantı qəbul etməkdən imtina etməsi ilə bağlı olub.

"Pezeşkianın Bakıya səfərini və Azərbaycan Prezidenti İlham Əliyevin əlaqələrin inkişafını alqışladığı nəzərə alınaraq, bu məsələ tezliklə həllini tapmalıdır. İranın Azərbaycandakı mümkün səfiri kimi Mədəniyyət və Kommunikasiya Təşkilatının sabiq rəhbəri və hazırda Bosniya və Herseqovinadakı səfir Əbuzər İbrahimi Türkmanın adı çəkilir", - deyə sayt qeyd edib.