Rusiyada qiyabi həbs edilən və beynəlxalq axtarışa verilən tanınmış rusiyalı jurnalist Yuri Duda dövlətə xəyanət maddəsi ilə ittiham irəli sürülə bilər.
Oxu.Az xəbər verir ki, məlumatı TASS agentliyi hüquq-mühafizə orqanlarına istinadən yayıb.
"Səlahiyyətli orqanlar Yuri Dudun hərəkətlərində Rusiya Federasiyası Cinayət Məcəlləsinin 275-ci maddəsi (dövlətə xəyanət) ilə bağlı cinayət əlamətlərini yoxlaya bilər", - deyə hüquq-mühafizə orqanının yaydığı bəyanatda qeyd olunur.
Xatırladaq ki, iyulun 22-də Moskvanın Basman Rayon Məhkəməsi xarici agentlər haqqında qanunvericilikdə nəzərdə tutulmuş vəzifələrin icrasından yayınmaqda təqsirləndirilən jurnalist Yuri Dud barəsində həbs qətimkan tədbiri seçib. Qərara əsasən, Y.Dud Rusiyaya ekstradisiya edildiyi və ya ölkədə saxlandığı andan etibarən iki ay müddətinə həbsdə olacaq. Jurnalist 2022-ci ildə Rusiyanı tərk edib.
