"Tramp marşrutu" layihəsinin bəzi detalları (Zəngəzur dəhlizi, TRIPP) artıq razılaşdırılıb və onun həyata keçirilməsi üçün Ermənistanda yerli və ABŞ təmsilçilərinin iştirakı ilə yeni şirkət yaradılacaq".
Oxu.Az xəbər verir ki, bunu İranın İRNA agentliyinə müsahibəsində Ermənistan xarici işlər nazirinin müavini Vahan Kostanyan deyib.
"Layihədə səhmləri Ermənistan və ABŞ arasında bölüşdürüləcək yeni şirkətin qeydiyyatı da var. Lakin bu, ABŞ-nin regional təhlükəsizlik məsələlərində iştirakını nəzərdə tutmur. İranın bu narahatlığı aradan qaldırılıb", - o deyib.
Kostanyan qeyd edib ki, avqustun 13-14-də İranda keçirilən danışıqlarda Tehranın ABŞ-nin rolu ilə bağlı narahatlığı müzakirə olunub.
"Mən buraya o mesajla gəldim ki, Ermənistan İranın mövqeyini nəzərə alır. Bu həssas məsələlər "Tramp marşrutu" nəqliyyat layihəsi üzrə ilkin danışıqlar zamanı nəzərə alınıb", - nazir müavini əlavə edib.
