“Liverpul” çempionluq şansını itirdi

“Liverpul” 2023/24 mövsümündə İngiltərə Premyer Liqasını qazanmaq üçün riyazi şansını itirib.

Bu, “Mançester Siti”nin mayın 11-də çempionatın növbəti tur matçında “Fulhem”i 4:0 hesabı ilə məğlub etməsindən sonra baş verib.

Beləliklə, “şəhərlilər”in sona iki tur qalmış 85 xalı var, “Liverpul” isə 7 xal geridədir. Çempionluq yarışında yalnız Arsenal 83 xalla qalıb.

İngiltərənin hazırkı çempionu “Mançester Siti”dir.

Maraqlıdır ki, bu, baş məşqçi Yurgen Klopp üçün klubda son mövsümdür. O, 2015-ci ilin payızından İngiltərənin “Liverpul”unda çalışır. Onun rəhbərliyi altında “qırmızılar” İngiltərə Premyer Liqası, Çempionlar Liqası, Klublararası Dünya Çempionatı, Liqa Kuboku, İngiltərə Kuboku və UEFA Super Kubokunun qalibi olub.

Mənbə: gazeta.ru