Britaniya prokurorluğu mayın əvvəlində Londonun antiterror polisi tərəfindən saxlanılan üç iranlıya qarşı Milli Təhlükəsizlik Qanununu pozmaqda ittiham irəli sürüb.
Oxu.Az xəbər verir ki, bu barədə Skotland-Yardın bəyanatında deyilir.
Krallıq prokurorluğu Britaniya paytaxtında yaşayan üç iranlıya - 39 yaşlı Mustafa Sepahvənd, 44 yaşlı Fərhad Cavadi Maneş və 55 yaşlı Şapur Kalehali Hani Nuriyə qarşı ittihamları təsdiqləyib.
"Hər üçü 14 avqust 2024-cü il və 16 fevral 2025-ci il tarixləri arasında xarici kəşfiyyat xidmətinin fəaliyyətinə kömək edə biləcək hərəkətləri həyata keçirməkdə ittiham olunurlar", - deyə polisin bəyanatında bildirilir.
