Fransa Prezidenti Emmanuel Makron və həyat yoldaşı Bricit Le-Manş sahilindəki Le Tuke (Fransanın şimalı) yeni villa alıblar.
Oxu.Az "Le Figaro" qəzetinə istinadən xəbər verir ki, söhbət kanala mənzərəsi olan, üçmərtəbəli, qırmızı kərpicdən tikilmiş villadan gedir.
Villanın ümumi sahəsi 290 kvadratmetr, yaşayış sahəsi isə 111 kvadratmetrdir. Ərazidə kiçik bağ da mövcuddur.
Nəşr qeyd edib ki, villanın alıcısı "SCI Bremselati" şirkətidir. Maraqlısı odur ki, bu şirkətin hüquqi ünvanı Le Tuke kommunasında, Sen-Jan prospekti 16 ünvanında yerləşir - prezident cütlüyünün indiki villasının ünvanı ilə eynidir. Dövlət reyestrinə əsasən, "SCI Bremselati" daşınmaz əmlakın icarəyə verilməsi ilə məşğul olur və 2025-ci il fevralın 7-də qeydiyyatdan keçib.
