Mərakeşdə zəlzələ nəticəsində ölənlərin sayı artıb - YENİLƏNİB + VİDEO

Mərakeşdə 7 bal gücündə zəlzələ nəticəsində ölənlərin sayı 2 681 nəfərə çatıb.

Bu barədə krallığın Daxili İşlər Nazirliyinə istinadən məlumat yayılıb.

Məlumata görə, azı 2501 nəfər xəsarət alıb.

Ən çox qurbanların sayı Əl-Hövz (1591) və Tarudant (809) əyalətlərində qeydə alınıb.

Təcili yardım xidmətləri binaların dağıntıları altında qalan ölü və yaralıların axtarışlarını davam etdirir.

Xatırladaq ki, sentyabrın 8-də krallıqda zəlzələ baş verib. Ölkədə 3 günlük matəm elan edilib.

Mənbə: TASS

15:24

Mərakeşdə güclü zəlzələ nəticəsində ölənlərin sayı 2 497 nəfərə çatıb.

Xatırladaq ki, sentyabrın 8-də Mərakeş şəhərindən 72 kilometr qərbdə 6,9 bal gücündə baş verən zəlzələ ətraf şəhərlərdə, o cümlədən Aqadir, Kasablanka, Kenitra, Rabbat, Essauirada da hiss olunub.

Mənbə: TASS