Amerika komiki Bill Kosbinin (Bill Cosby) azyaşlını zorlamaqda ittiham edilməsi barədə xəbəri dekabr ayının 3-də NBC News bildirib.
Oxu.Az Lenta.ru-ya istinadən xəbər verir ki, 55 yaşlı Cudi Hut (Judy Huth) dekabr ayının 2-də Los-Anceles məhkəməsinə 1974-cü ildə 15 yaşı olduğu zaman məşhur şoumenin ona təcavüz etdiyini iddia etdiyi ərizə ilə müraciət edib.
Sənəddə Hut öz rəfiqəsi ilə bərabər 37 yaşlı Kosbi ilə çəkiliş meydançasında Kaliforniya ştatında Riversayd əyalətində tanış olduqlarını deyib. Həmin meydançada onlar gələn həftə tennis klubunda görüşməyi qərara alıblar. Görüş zamanı qızlara pivə içirən Kosbi, onları evə dəvət edib və Huta təcavüz edib. Bu hadisə ona psixoloji və mənəvi zərbə vurub.
Qeyd edilib ki, son həftə ərzində daha 20 qadın komikə qarşı təcavüz iddiası ilə müraciət etməyə hazırlaşırlar. 77 yaşlı Kosbi bu səbəbdən bir sıra çıxışlarını ləğv edib.
