"Ermənistan Avropa İttifaqı (Aİ) yönündə qəti seçim edib".
Oxu.Az "Armenpress" agentliyinə istinadən xəbər verir ki, bunu Ermənistanın xarici işlər naziri Ararat Mirzoyan mayın 20-də Aİ-nin Şərqi Avropa və Mərkəzi Asiyadakı səfirlərinin regional yığıncağının açılışında deyib.
"Ermənistan demokratiya, sülh, Avropa yönündə dönməz seçim edir. İnanırıq ki, bu qətiyyətli addımlar avropalı tərəfdaşlarımız tərəfindən eyni dərəcədə cəsarətli və strateji qarşılıqlı əlaqə ilə qarşılanacaq", - deyə Mirzoyan qeyd edib.
Onun sözlərinə görə, İrəvan təkcə dəstəyə deyil, həm də Aİ ilə qarşılıqlı tərəfdaşlığın möhkəmləndirilməsinə ümid edir.
Qeyd edək ki, aprelin 4-də Ermənistan Prezidenti Vahaqn Xaçaturyan respublikanın Aİ-nin tərkibinə daxil olması prosesinin başlanması haqqında qanun imzalayıb.
