Moskva vilayətinə daxil olan Serpuxov rayonunda qaz kəmərini partlatmaq istəyən Rusiya vətəndaşı saxlanılıb.
Oxu.Az yerli mətbuata istinadən xəbər verir ki, bu barədə Rusiya Federal Təhlükəsizlik Xidməti (FSB) məlumat yayıb.
Məlumata görə, saxlanılan şəxs Ukrayna xüsusi xidmət orqanlarının göstərişi ilə terror aktı həyata keçirməyi planlaşdırıbmış.
Qeyd edilir ki, 56 yaşlı şəxs gecə saatlarında Serpuxovda əldəqayırma partlayıcı qurğu yerləşdirməyə cəhd edərkən saxlanılıb.
İddiaya görə, ələ keçən şəxs əsas qaz kəmərini partlatdıqdan sonra üçüncü ölkə vasitəsilə Ukraynaya qayıtmaq niyyətində olub.
Bildirilir ki, saxlanılan Rusiya vətəndaşı immiqrasiya qanunlarını pozduğuna görə ötən il Ukraynada əcnəbilər üçün müvəqqəti saxlama mərkəzində işə götürülüb. Onun daha sonra deportasiya adı altında Rusiyaya göndərildiyi iddia edilir.
