Mourinyo “Roma”dan qovuldu

İtaliyanın “Roma” futbol klubu baş məşqçi Joze Mourinyonu istefaya göndərib.

Klubun mətbuat xidməti 60 yaşlı mütəxəssislə müqaviləyə xitam verdiyini bildirib.

“Jozenin “Roma”da olduğu vaxtla bağlı həmişə gözəl xatirələrimiz qalacaq, lakin biz inanırıq ki, dəyişikliklər klubun maraqlarına uyğundur. Joze və onun heyətinə uğurlar arzulayırıq”, - bəyanatda deyilir.

Klub yaxın vaxtlarda yeni baş məşqçinin təyinatı ilə bağlı qərar verəcəklərini qeyd edib.

Mənbə: matchtv.ru