Nyu-York metrosunda baş verən atışma nəticəsində yaralananların sayı 24 nəfərə çatıb - YENİLƏNİB + FOTO/VİDEO

ABŞ-ın Nyu-York şəhərində, Bruklin metrostansiyasında atışma nəticəsində xəsarət alanların sayı 24 nəfərə çatıb.

Bu barədə ABŞ-da yaymlanan “NY1” telekanalı məlumat verib.

Məlumatda həmçinin qed olunur ki, yaralıların sayının artması da istisna edilmir.

19:29, 12 aprel

Nyu-York metrosunun Bruklin stansiyasında odlu silahla 13 nəfəri yaralayan şəxs qaradərili olub.

Şahidlərin sözlərinə görə, nəqliyyat idarəsi işçilərinin geyindiyi jiletdə olan kişi vaqona digər sərnişinlərlə mübahisə edib.

Sonra o vaqona tüstü bombası atıb və ardınca ətrafdakı insanlara atəş açıb. Polis hadisə yerində aktiv partlayıcı maddələrə rast gəlinmədiyini bildirir.

Şübhəli şəxs hələ də tapılmayıb, onun axtarışları davam etdirilir.

Mənbə: RİA Novosti