Orban Qərb qoşunlarının Ukraynaya mümkün göndərilməsinin vaxtını açıqlayıb

Macarıstanın Baş naziri Viktor Orban Qərb ölkələrinin 2-3 ay ərzində Ukraynaya qoşun yeridəcəyi ehtimalını etiraf edib.

Siyasətçi əlavə edib ki, Ukraynadakı hazırkı münaqişə artıq bir müddət sonra inanılmaz şeylərin reallığa çevrildiyini göstərib.

“Ən narahat edənsə odur ki, 2-3 ay əvvəl ağlasığmaz olanlar 2-3 ay sonra gündəlik hadisəyə çevrilir”, - Orban bildirib.

O, həmçinin xatırladıb ki, Berlin əvvəllər Kiyevə məhvedici silah göndərmək istəmədiyini bildirsə də, indi Moskvaya və ya Rusiyanın dərinliklərinə zərbə endirmək üçün istifadə oluna biləcək raketlərin Ukraynaya ötürülməsi məsələsini müzakirə edir.

Mənbə: Gazeta.ru