Türkiyənin Van vilayətinin İpəkyolu qəsəbəsində PKK terrorçularının məhv edilməsinin video görüntüsü yayılıb.
Oxu.Az “Anadolu” agentliyinə istinadla xəbər verir ki, sentyabrın 12-də axşam Yenimahalle Muşlular Sokakda təhlükəsizlik qüvvələrinə qarşı mərmi və snayperlərdən istifadə edən terrorçuların vurulma anı polis maşınındakı kamera tərəfindən çəkilib.
Görüntüdə polislərə hücum hazırlayan iki silahlı terrorçunun atəş nəticəsində hərəkətsiz hala gətirildiyi görünür.
Əməliyyat nəticəsində bir polis qolundan yaralanıb, zirehli maşında güllə izləri yaranıb.
