Polşalı deputatdan Avropa liderlərinə: "Suriya ilə hər şey aydındır, növbəti hədəfiniz kimdir?"

Polşalı deputat Qjeqoj Braun Avropa Parlamentinin plenar iclasında çıxışı zamanı deyib ki, avropalı bürokratlar bəzi ölkələri qarət etmək üçün onları pis təqdim edirlər.

Oxu.Az xəbər verir ki, o bu fikri özünün "X" səhifəsində paylaşıb.

"Allah suriyalıları, hər kəsi qorusun. Bununla bağlı hər şey aydındır, bəs növbəti hədəfiniz kimdir? Artıq neçə müddətdir, sizin buradakı debatlarınızı dinləyirəm, hər dəfə siz kimisə pis elan edirsiniz. Siz açıq-aydın Rusiya, Çin, Şimali Koreya, İran, Suriya, Gürcüstan, Moldova, Rumıniyanın adlarını çəkdiniz. Budur, sizin bəyənmədiyiniz ölkələr. Siz Avropanı müharibəyə sürükləmək istəyirsiniz", - deyə Qjeqoj Braun qeyd edib.

Q.Braun, həmçinin qeyd edib ki, avropalı məmurlar militarist planlar quraraq, həm Avropa, həm də bəşəriyyətin digər hissəsi üçün təhlükə törədirlər.

Polşalı deputatdan Avropa liderlərinə: "Suriya ilə hər şey aydındır, növbəti hədəfiniz kimdir?"