Putin Trampla Səudiyyə Ərəbistanında görüşə bilər

Rusiya və ABŞ prezidentləri - Vladimir Putin və Donald Trampın görüşü Səudiyyə Ərəbistanında keçirilə bilər.

Oxu.Az TASS-ə istinadən xəbər verir ki, bunu Rusiya liderinin mətbuat katibi Dmitri Peskov bildirib.

"Belə bir variantı istisna etmək olmaz. Lakin hələlik bu məsələ ilə bağlı konkret məlumat yoxdur", - deyə Kremlin nümayəndəsi qeyd edib.

Daha əvvəl ABŞ Prezidentinin xüsusi elçisi Stiven Uitkoff "Bloomberg" agentliyinə müsahibəsində təxmin edib ki, ikitərəfli Rusiya-ABŞ sammiti Səudiyyə Ərəbistanında keçirilə bilər. O qeyd edib ki, Putin və Tramp adından danışa bilməz, lakin bunun baş verməsi üçün ən yaxşı variant budur.