Türkiyənin Qaziantep şəhərində qəribə cinayət hadisəsi baş verib. 17 yaşlı gəncin intiqam məqsədiylə qurduğu plan hər kəsi heyrətləndirib.
Bu barədə “Anadolu” agentliyi xəbər yayıb.
Bildirilir ki, təxminən il yarım əvvəl 17 yaşlı Samet Çalışkan eyni yaşda olduğu F.U. adlı şəxsi bıçaqlayıb. Qarşı tərəf də ondan intiqam almaq üçün qandonduran plan fikirləşib.
F.U. sosial şəbəkədə qadın adı ilə saxta hesab açıb. Sametlə bir müddət bu cür danışıblar. Daha sonra F.U. qız dostu S.K. vasitəsi ilə telefonla Samet Çalışkanı görüşməyə razı salıb. Dostları ilə birlikdə görüş yerinə gələn F.U. burada Samet Çalışkanı bıçaqlayaraq öldürüb.
Cinayətkarların tapılması üçün polis əməkdaşları üç gün 280 təhlükəsizlik kamerasını izləyib. Keçirilən əməliyyat tədbirləri nəticəsində aralarında F.U. və S.K.-nın da olduğu 10 nəfər saxlanılıb.
