Radarlardan itən Moskva-Orenburq reysi ilə uçan sərnişin təyyarəsi geri qayıdıb - YENİLƏNİB

“Nordwind Airlines”a məxsus “Airbus A321” sərnişin təyyarəsi texniki səbəbə görə hava limanına geri qayıdıb.

Bu barədə Şeremetyevo hava limanının ictimaiyyətlə əlaqələr idarəsinin rəhbəri Anna Zaxarenkova məlumat verib.

“Şeremetyevo hava limanında təyyarə mövcud qaydalara uyğun olaraq qəza-xilasetmə qrupları və cəlb edilmiş xidmətlər tərəfindən qarşılanıb. Eniş Moskva vaxtı ilə saat 15:05-də (Bakı vaxtı ilə 16.05-də) baş tutub, təyyarə müstəqil olaraq dayanacaqda hərəkətə davam edib. Sərnişin və ekipajın yardıma ehtiyacı olmayıb”, - deyə Zaxarenkova bildirib.

Zaxarenkova əlavə edib ki, hava limanı həmişəki kimi təyyarələrə xidmət göstərməkdə davam edir.

Mənbə: TASS

16:56

Moskva-Orenburq reysini həyata keçirən “Nordwind” aviaşirkətinə məxsus “Aerobus A321” sərnişin təyyarəsi “Flightradar” uçuş izləmə xidmətinin xəritəsindən itib.

Məlumata görə, təyyarə xəritədə yoxa çıxmazdan əvvəl təcili siqnal verib və Nijni Novqorod vilayəti üzərindən Moskvaya tərəf dönüb.

Təyyarənin 3 min metr hündürlüyədək endiyi bildirilib. Ümumilikdə təyyarə 30 dəqiqə uçuşda olub.

Mənbə: radio1.ru