"Real Madrid"in yay üçün transfer hədəfləri açıqlanıb

Gələn yay "Real Madrid" müdafiə xəttini gücləndirmək üçün üç oyunçu və hücum xəttinə daha bir oyunçu almağı hədəfləyir.

Oxu.Az xəbər verir ki, bu barədə AS nəşri yazır.

Mənbənin məlumatına görə, "Kral klubu" "Liverpul"un sağ cinah müdafiəçisi Trent Aleksander-Arnold, "Bavariya"nın sol cinah müdafiəçisi Alfonso Davis və "Bayer Leverkuzen"in mərkəz müdafiəçisi Conatan Ta ilə müqavilə imzalamaq istəyir.

Bundan əlavə, "Real" Leverkuzen klubu ilə müqaviləsi 2027-ci ilin yayında başa çatacaq hücumçu Florian Virtsi almaqda maraqlıdır.